ALBANIAN COMMUNITY OF AMERICA

Anulimi i seancës së Kuvendit

albo — Thu, 03 Feb 2011 16:48:28 GMT

Partia Socialiste ka sulmuar kryetaren e Kuvendit, Jozefina Topalli dhe kryeministrin Berisha për anulimin e seancës së Kuvendit$CUT$

Deputeti socialist Sajmir Tahiri deklaroi se ky ishte një vendim i njëanshëm, politik dhe që tregon frikën e përballjes së qeverisë me opozitën në Kuvend.
"Parlamenti është marrë peng, të gjitha institucionet janë marrë peng. Por Saliu do të na ketë përballë. Ne do vazhdojmë rezistencën tonë paqësore”, ka deklaruar Tahiri.
"I bëjmë thirrje kryeministrit Berisha që të dorëzojë gardistët dhe t’u hapë rrugë zgjedhjeve të reja”, ka pohuar Tahiri.

Kadare, zemërim mbi politikën

albo — Thu, 03 Feb 2011 16:45:34 GMT

Ismail Kadare është zëri i radhës që i bashkohet korit të reagimeve për ngjarjet e 21 janarit$CUT$

Ende pa u zbehur mirë kujtimi i festave, jetës shqiptare iu prish normaliteti, thotë përfaqësuesi i shquar i letrave shqipe në një shkrim të botuar në gazetën shqiptaro-amerikane "Illyria” në Nju Jork.
"E duke u nisur pikërisht nga kjo fjalë, "normal”, nis logjika e mendimit. Është e njohur tashmë se një vend jo normal sundohet "mirë”, por qeveriset keq. Këtë të vërtetë e njohin sidomos sistemet totalitare, qysh nga diktaturat hidrike (ato që kanë përdorur mungesën e ujit si mjet sundimi), e deri në ditët tona.Vetëm në rende të tilla, që dalin nga rendi normal i gjërave mund të krijohen psikoza të sëmura, ato që lindin pastaj ankthet dhe terrorin, shenjat e pashmangshme të sundimit tiranik”, thotë Kadare.
Të gjithë popujt e ish-Lindjes janë tepër të ndjeshëm ndaj tyre, kujton shkrimtari i madh, duke iu referuar këtu pikërisht vuajtjes së tyre nën regjimin komunist. Në këtë këndveshtrim, do të ishte e kuptueshme që shqiptarët, ata që patën tiranë më të egër e më të zgjatur, do të ishin dyfish më të ndjeshëm. Padurimi dhe nervozizmi politik në Shqipëri kanë kapërcyer kufijtë e lejueshëm, thotë Kadare, që tenton t’i japë një përgjigje pyetjes që ai vetë shtron në këtë shkrim: përse është kaq e egër lufta politike në vend.
Për shkrimtarin, dy mund të jenë dukuritë që luajnë rol vendimtar në këtë mes: etja për pushtet dhe korrupsioni. Termometri, thotë ai, thyhet kur i sëmuri nuk dëshiron të marrë vesh sëmundjen ngaqë ai e di atë. Për të mos thënë se sëmundja është ai vetë. Në rrethana të caktuara, kur dufi për pushtet dhe korrupsioni lidhen me njëri-tjetrin, ashtu si në klonimet që prodhojnë monstra, përzjerja që del prej kësaj lidhjeje mund të jetë fatale.
Më 21 janar, shton Kadare, gjatë një demonstrate, për fat të keq të dhunshme, u vranë me armë tre njerëz të paarmatosur, pra të pafajshëm, qytetarë të shtetit demokratik shqiptar, e njëkohësisht tre qytetarë të ardhshëm të Bashkimit Europian. Kjo e fundit nuk theksohet as për të mitizuar e as për të sublimuar këtë Bashkim, por për t’u kujtuar të gjithëve se ne, pa hyrë ende në këtë shtëpi të përbashkët, kemi cënuar programin e saj, atë program që me sinqeritet dhe përkushtim e kemi shpallur si programin tonë.
Një pyetje e pashmangshme del në këtë rast: na duhet ndërhyrja e vdekjes, që ne të jemi seriozë? Ka kohë që pyetja për seriozitetin duhej bërë ngaqë ka kohë që kjo po ndodh e ne vazhdojmë të mos jemi seriozë. (Komedia e gjyqit të Gërdecit, zvarritjet, dredhitë janë më keq se një shuplakë që i bëhet haptas dinjitetit publik. Ka kohë që ky banalizim i së keqes, siç është cilësuar, po rreh të modelojë moralin shqiptar. Formula bazë të jetës demokratike: nderimi për institucionet dhe pavarësinë e tyre, rreh të kthehet në një shprehje të zbrazët, nga ato që hyjnë në njerin vesh, për të dalë nga tjetri. Rrjedhimisht ngjarje të rënda si kriza institucionale, bëjnë jo më shumë përshtypje se sa një breshër i përkohshëm, shkruan Kadare.

Besart Kallaku: Me klipin e ri po qeshin te gjithe

Admin — Sat, 29 Jan 2011 17:10:46 GMT

Klipi i tij i parë nuk mund të mos ishte plot humor. Ndaj, vetëm dy ditë pas publikimit të "Katunari gangsta”, kënga ka regjistruar 138.000 shikues në youtube, duke e klasifikuar kështu në vendin e katërt për "Most views today”, në gjininë komedi. $CUT$Aktori i njohur i spektaklit "Portokalli”, Besart Kallaku, në eksperiencën e tij të parë si këngëtar shfaqet si Don Kishoti, ku nga autoironia kalon me shumë aventura tek ironia me vajzat e Bllokut.
Besi, për herë të parë realizon klip në stilin rep humoristik, pse të lindi kjo ide?
Jo se e them unë, po është e thënë me kohë se idetë e bukura nuk lindin duke pllenuar mendjen si e si të më lindë një ide brilante, por thjesht vjen atëherë kur s’e pret. Të mos harrojmë që Arkimedi u ngrit lakuriq nga banjo dhe bërtiti Eureka, dhe mua më ndodhi diçka e tillë, por shyqyr që nuk dola nga banjo por nga studio. Kështu që unë isha me rroba veshur. Bëj shaka, se kjo ishte një lloj rastësie, gjatë kohës që ishim me kantautorin Stine në studion e tij. Ai futi një bit hip-hopi për ta dëgjuar dhe unë me shaka fillova ta shoqëroja me vargje humoristike. Nisi me të qeshur nga ana jonë dhe po ta keni vënë re, tani po qeshin të gjithë me këtë klip. Po e theksoj se jam nga të paktët nacionalistë të mbetur. Njerëzit kanë nevojë të qeshin, ne e kemi plotësuar klipin me shumë detaje humoristike dhe të suksesshme.
Shfaqesh për herë të parë si këngëtar. Ke ambicie të hysh në tregun muzikor me këtë stil?
Për mua është hera e parë që bëj një këngë, përveç periudhës së gjimnazit ku mundoheshim të imitonim grupet e huaja, duke krijuar dhe ne grupet e hip-hopit. Dhe unë në këtë rast nuk dua të tregoj se di të këndoj, por vetëm dua të tregoj se di dhe dua të bëj humor. Me tej të shohim, megjithëse jam i frymëzuar momentalisht për të vazhduar më tej.
"Katunari gangsta” titullohet klipi, kush ironizohet në fabulën e këngës?
Unë kurrë nuk e kam mohuar dhe as nuk e mohoj origjinën time nga fshati, dhe as nuk e kam për turp ta them që unë aty luaj veten. (qesh). Kështu që dhe teksti i këngës është në vetën e parë, domethënë "shita dhi e i shita të tona…Veç me pa qa o tirona…” Të mos ofendohet askush për këtë gjë, vetëm shikojeni dhe shijojeni, se vërtet kam shpenzuar mund dhe e kam realizuar me shumë qejf diçka të tillë.

Lajack te Ndalet Perdorimi i dhunes

Admin — Thu, 27 Jan 2011 12:34:53 GMT

dërguari i BE për zgjidhjen e krizës në Shqipëri, Miroslav Lajçak ka deklaruar në një konferencë për shtyp, pas takimit me liderët kryesorë politikë në vend, se duhet të ndalojë përdorimi i mëtejshëm i dhunës në vend dhe kërkoi një ulje të tensionit mes palëve$CUT$

Ai bëri të ditura një sërë pikash që politikanët në vend duhet t’i marrin në konsideratë, nëse duan të ardhmen evropiane të Shqipërisë.

Ai theksoi se në këto ditë të vështira, BE i qëndron pranë Shqipërisë dhe është e gatshme për të ndihmuar vendin.

"Ashton më kërkoi të vija këtu për t’i dhënë një mesazh të qartë popullit shqiptar se BE është me ju, duam që Shqipëria të ketë një realitet të qartë evropian. Si fillim duhet të shikojmë një fund të dhunës, një ulje të përshkallëzimit të tensionit. Nuk është mënyra evropiane e të zgjidhurit të çështjeve politike si ajo që pamë ditën e premte”, tha Lajçak.

"Kam takuar liderët kryesorë në vend për të shprehur shqetësimin e fortë për situatën e tanishme në të cilën është Shqipëria. Theksova nevojën për të restauruar qetësinë dhe respektin e plotë për rregullin dhe shtetin e së drejtës. I kujtova përfaqësuesve tuaj politikë për përgjëgjësitë që duhet të mbajnë në plotësimin e gjërave të mëposhtme: Parandalimin e çdo dhune dhe gjakderdhjeje të mëtejshme; Funksionimin e insitucioneve shtetërore dhe respektimin e tyre; Askush nuk është mbi insitucionet shteterore; Nxjerrjen para drejtësisë të përgjegjësive që shkaktuan vdekjet; Shmangien e çdo veprimi që do të çonte në zgjerimin e mëtejshëm të hendekut, që ndan aktualisht skenën politike dhe shoqërinë dhe që do të rriste më tej nivelin e konfrontimeve; Së fundi, kthimin e Shqipërisë drejt rrugës europiane”, deklaroi Lajçak.

"Këto çështje mund të arrihen vetëm nëse të dyja palët luajë rolin e tyre. E bëra të qartë që e ardhmja evropiane e Shqipërisë varet nëse bëjnë atë që u kërkojmë ne dhe e bëjnë tani”, theksoi Lajçak.

"BE është bashkë me ju, e gatshme për ta ndihmuar vendin tuaj. Jemi të gatshëm të kthehemi në Shqipëri në çdo moment. Si Ashton dhe Fule janë të gatshëm të vijnë sërish, por është e rëndësishme që politikanët të bëjnë lëvizjen e parë të duhur në drejtimin e duhur. Ata e dinë saktësisht se çfarë duhet bërë”, përfundoi Lajçak.

:ke-duhet-hetim-gjithperfshires-per-21-janarin :lajme-shkurt

NIK — Tue, 25 Jan 2011 02:53:46 GMT

Europian bën thirrje për rikthimin e qetësisë e përgjegjësi për respektimin e ligjit.

“Mbështesim principet e nje hetimi per ngjarjet e 21 janarit, por kjo duhet bere ne menyre gjithperfshirese”- deklaroi sot Natasha Butler, Zëdhënësja e komisionerit të BE për Zgjerim, Stefan Fyle gjatë një konference për shtyp në $CUT$
Komisioni Europian konsideron se menyra për të dalë nga kriza është t’i jepet fund mosmarreveshjeve “driteshkurtra politike” ndërsa palët të fokusohen në axhendën europiane në mënyrë që Shqipëria të përmbushe perspektiven e saj europiane në interest e qytetarëve shqiptarë.
Buttler vuri në dijeni se KE po ndjek me shumë kujdes situatën në Shqipëri nëpërmjet delegacionit të BE në Tiranë.

Sipas zëdhënëses, për momentin e rëndësishme është të rikthehet qetësia ndërsa thekson se nuk duhet të përsëriten skena si ato së të premtes. Butler apelon për politikën që të gjejë menjëherë zgjidhjen e menjëhershme.
“Ështe e rëndesishme të kthehet qetësia, të evitohet përsëritja e dhunës të së premtes që solli viktima dhe të plagosur. Ështe e rëndësishme për liderët politik të fokuohen tek zgjidhjet që mund të gjejnë sëbashku me qëllim zgjidhjen e ngërcit. I takon liderëve politikë që të tregojnë përgjegjësi dhe maturi politike. I takon si qeverisë dhe opozitës që të gjejnë zgjidhjen”.

E pyetur nga mediat për përgjegjësit e ngjarjes, Butler theksoi se kjo nuk i takon BE, pasi BE më shumë se njëherë ka theksuar ajo ka kontribuar për gjetjen e një zgjidhjeje për ngërcin politik në Shqipëri. Tani, tha ajo, duhet që vetë liderët e politikës shqiptare të punojnë për zgjidhjen e kësaj krize.
“Nuk i takon BE se te thote se kush është përgjegjës per ngjarjet. E rëndësishme qe politikanet te perdorin nje retorike te qete, por i takon atyre të tregojne që mund të përmbushin kriteret e kërkuara, për të cilat shqiperia ka aplikuar për të marrë statusin kandidat. Rikujtoj kritirete e përmendura në Nëntor –bashkepunimi në parlament për të miratuar ligjet në mënyrë që Shqipëria të vazhdojë rrugën drejt BE-së. Ka disa hapa që duhen ndërmarrë, dhe është e rëndësishme që të gjithë aktorët politike të bëjnë punën e tyre. Komisioni ka bere perpjekje te vazhdueshme me takime si me kryeministrin Berisha ashtu edhe me liderin e opozites Edi Rama per te gjetur nje zgjidhje, por tani i takon vetë liderëve që të gjejnë rrugen e daljes nga kriza dhe të zgjedhin nëse duan te permbushin kriteret e kerkuara nga BE, për të vazhduar rrugen e integrimit europian”.

Butler dhe njëhetë kujton se kriteret drejt integrimit të një vendi në BE mbetet ai i funksionimit të demokracisë, ndaj i bën thirrje qeverisë të bashkëpunojë për zbardhjen e ngjarjeve të 21 Janarit.
“Ne kemi e beret e qarte kriteret qe duhen permbushur, dhe mes tyre me i rendesishme eshte pikerisht funksionimi i demokracise. I takon tashmë autoriteteve shqiptare që të tregojnë përgjegjësi politike dhe ti rikthehen dialogut që të permbushin rekomandimet tona.

Berisha:Urdhër-arrestet nuk do zbatohen. Nëse Rama sulmon,do jem aty

NIK — Tue, 25 Jan 2011 02:49:01 GMT

-arrestet e lëshuara nga Prokuroria e Përgjithshme për gjashtë drejtuesit e lartë të Gardës së Republikës, nuk do të zbatohen në mënyrë absolute, në bazë të kodit të procedurës penale$CUT$

Kështu ka deklaruar kryeministri Sali Berisha në një intervistë për agjencinë italiane të lajmeve ANSA, duke i’u referuar urdhër-arresteve të lëshuara nga Prokuroria.
Organi i akuzës lëshoi urdhër arreste për gjashtë zyrtarë të lartë të Gardës, lidhur me sulmin e 21 janarit.

Në intervistë, Berisha thekson se nëse kryetari i opozitës vendos të sulmojë sërish ndërtesën e qeverisë, ai do ta presë aty.
“Unë do të jem këtu, dhe nuk do të lejoj askënd të marrë me forcë pushtetin“ u shpreh kreu i qeverisë duke shtuar se nëse do të ketë incidente, gjithçka do të varet nga Rama.

“Detyra ime është të qëndroj në zyrën time“ është shprehur për agjencinë italiane të lajmeve Ansa, kryeministri Berisha.

Vrasjet në demonstratë

Admin — Sun, 23 Jan 2011 03:01:12 GMT

Në planet e transmetuara nga "News 24” duket flaka nga qitja e një ushtari brenda territorit të kryeministrisë. Thuajse në mënyrë të njëkohshme shtetasi i goditur rrëzohet. $CUT$

"Nuk ma merr mendja që kryeministri të thotë që këto pamje i ka montuar opozita. Në këto pamje tregohet një qytetar që s’ka në dorë asgjë dhe që si gjithë protestuesit e tjerë shfaqet kundër kësaj qeverie hajdute dhe tregohet që e shtëna i vjen nga brenda kryeministrisë. Nuk është dëgjuar asnjë krismë. Këto pamje janë të trishtueshme, por dhe tregojnë fytyrën e një pushteti që vjedh pasuritë e shqiptarëve cdo ditë. Në një situatë krize qeveria është e detyruar që t’i drejtohet gjuhës së dhunës dhe të armëve”, deklaroi Tahiri.
Mirëpo nga planet e transmetuara nga "Vizion Plus” bie në sy edhe një detaj tjetër. Në momentin kur personi pranë kryeministrisë rrëzohet, bien përtokë edhe dy persona të tjerë, në distancë prej tij.
Ndërkohë, në një njoftim për shtyp, zyra e Prokurorit të Përgjithshëm njoftoi se pas protestës së të premtes, gjatë zhvillimit të së cilës humbën jetën 3 persona dhe me dhjetëra të tjerë mbëritën në spital të plagosur, është ngritur një grup hetimor i përbërë nga prokurorë dhe oficerë të policisë gjyqësore të Prokurorisë së Rrethit Gjyqësor Tiranë, i cili është angazhuar me kryerjen e veprimeve të menjëhershme hetimore.
Sipas njoftimit, një pjesë e grupit hetimor është vendosur në vendin e ngjarjes, në mjediset pranë kryeministrisë, me qëllim kqyrjen e vendit, evidentimin dhe sekuestrimin e cdo prove materiale që gjendet aty.
Krahas këtyre veprimeve është kryer marrja e librave të gadishmërisë dhe plani i masave pranë Gardës së Republikës, si dhe kamerat e instaluara nga Policia e Shtetit në vendin e ngjarjes.
Një pjesë e grupit hetimor është vendosur në Spitalin Ushtarak dhe ka realizuar kqyrjen e viktimave, kqyrjen e veshjeve të viktimave dhe sekuestrimin e tyre me cilësinë e provës materiale, kqyrja dhe pyetja e të gjithë personave të plagosur, qofshin këta civilë apo efektivë të policisë.
Ndërkohë janë marrë vendimet për kryerjen e të gjitha ekspertimeve kriminalistike të nevojshme. Pjesa tjetër e grupit hetimor është vendosur në komisariatet e Policisë së Tiranës, për marrjen në pyetje të të gjithë personave të shoqëruar në komisariate nga Policia e Shtetit.
Në këtë njoftim thuhet se prokuroria është e impenjuar për një hetim objektiv, të plotë e të gjithanshëm të ngjarjeve, me qëllim individualizimin e autorëve dhe vënien e tyre para përgjegjësisë ligjore, jashtë ndikimit të cdo faktori politik

Video shokuese: Një protestues qëllohet nga brenda Kryeministrisë

Admin — Sat, 22 Jan 2011 10:11:35 GMT

Një video e publikuar në internet tregon se si janë qëlluar protestuesit nga brenda kryeministrisë. Në sekondën e 13 të kësaj video të shkurtër, shikohet një person i cili pasi qëllohet bie përdhe$CUT$

Personi mendohet të jetë një nga tre të vrarët e demonstratës së sotme. Videoja eshte hedhur ne Youtube nga vete protestuesit.
Ne video shihet se grupi i njerezve ndodhet para deres se Kryeministrise. Duke gjykuar nga menyra si ka rene viktima plumbi vjen nga brenda oborrit ose nga brenda nderteses se kryeministrise.

Demonstrata, OSBE: Dënojmë dhunën,

CopS — Sat, 22 Jan 2011 09:19:56 GMT

Komuniteti ndërkombëtar dënon ashpër dhunën e shpërthyer dje në demonstratat e opozitës, e cila përfundoi me një bilanc prej 3 të vdekurish dhe 61 të plagosur. Krerët më të lartë të Këshillit Europian, OSBE-së kanë shprehur shqetësimin e tyre për shpërthimin e dhunës dhe bëjnë thirrje për angazhimin e politikës në një dialog konstruktiv. Thirrjes për të ndaluar dhunës është bërë dhe nga eurodeputetja Tanja Fajon $CUT$

KiE: DENOJME DHUNEN, BERISHA DO NA INFORMOJE
Sekretari i Përgjithshëm i Këshillit të Evropës ka reaguar në lidhje me protestën e djeshme të bërë nga ana e opozitës. Në vijim të protestave të dhunshme që ndodhën dje në Tiranë, sekretari i Përgjithshëm i KiE-së, Thorbjorn Jagland dha këtë deklaratë: "Jam shumë i shqetësuar për shpërthimin e dhunës dhe për viktimat që solli demonstrata në rrugët e Tiranës këtë pasdite". "Dënoj të gjitha llojet e dhunës dhe u bëj thirrje të gjitha forcave politike të angazhohen në dialogun konstruktiv, brenda institucioneve demokratike ekzistuese në Shqipëri". Kreu i Asamblesë së KiE-së u shpreh se "shpresoj se do të njoftohem më tej rreth këtij incidenti fatkeq, gjatë vizitës së kryeministrit Sali Berisha në KiE të enjten tjetër".
OSBE: TE NDALET PERDORIMI I DHUNES
Kryetari i radhës i OSBE-së, ministri i Jashtëm i Lituanisë, Audronius Ažubalis u bëri thirrje të gjithëve në Shqipëri të përmbahen nga përdorimi i dhunës, pas përleshjeve që shkaktuan disa të vdekur dhe shumë të plagosur. "E drejta për të demonstruar vjen së bashku me përgjegjësinë për ta bërë këtë në mënyrë paqësore. Dialogu dhe bashkëpunimi mund të kontribuojnë në zgjidhjen e problemeve me të cilat po përballet Shqipëria. Dhuna dhe deklaratat provokative vetëm sa e përkeqësojnë situatën", - tha Ažu-balis. Ai theksoi se OSBE-ja dhe prezenca e saj në Shqipëri do të vazhdojnë të punojnë së bashku dhe të mbështesin përpjekjet e autoriteteve, institucioneve e aktorëve të shoqërisë civile të vendit për të konsoliduar demokracinë, të drejtat e njeriut dhe shtetin e së drejtës. FAJON: POLITIKANET TE DEGJOJNE ZERIN E POPULLIT
Thirrjes për të ndaluar dhunës është bërë dhe nga eurodeputetja Tanja Fajon. Në një apel drejtuar të gjithë popullit shqiptar të cilin e ka publikuar dhe në profilin e saj në face book Tanja Fajon thotë: "Ju dhe shteti juaj, qytetarët kanë vuajtur mjaft në këto vite. Unë i them ndal lëndimit të njerëzve të pafajshëm dhe u bëj thirrje të gjithë politikanëve të përgjegjshëm të fillojnë të dëgjojnë zërin e qytetarëve të tyre. Të gjithë ju, - i drejtohet popullit shqiptar Fajon - meritoni një vend që funksionon në mënyrë të drejtë e me ndershmëri, e mbi të gjitha ju meritoni paqe e stabilitet", - përfundon eurodeputetja

Topi, thirrje për qetësi

Admin — Sat, 22 Jan 2011 09:02:21 GMT

Zyra e shtypit e Presidencës së Republikës sapo ka publikuar një deklaratë të Presidentit të Republikës, Bamir Topi për situatën.
Presidenti, thuhet në këtë deklaratë, po ndjek me shqetësim të jashtëzakonshëm situatën e krijuar në bulevardin "Dëshmorët e Kombit$CUT$

"Presidenti i Republikës bën thirrje për qetësi dhe maturi! U bën thirrje të gjithë faktorëve politikë që të qetësojnë demonstruesit dhe të garantojnë sa më shpejt të jetë e mundur rikthimin e rendit publik dhe mbështetjen e forcave të policisë, që të garantojnë ruajtjen e rendit, të institucioneve shtetërore dhe në mënyrë të veçantë, qetësinë dhe sigurinë e jetës së qytetarëve”.
Presidenti Topi u bën thirrje faktorëve politikë t’i rikthehen urgjentisht dialogut dhe të marrin përgjegjësitë politike për ruajtjen e stabilitetit të vendit.
"Shqipëria ka nevojë të shërojë plagët, jo të hapë plagë të reja, përfund deklaratën e tij Presidenti i Republikës”.